दाङ ७ साउन/ दाङमा मोटरसाइकलको ठक्करबाट १० वर्षीया बालिकाको मृत्यु भएको छ । लमहीबाट भालुबाङतर्फ गइरहेको लु ९५ प ८९५ नम्बरको मोटरसाइकलले आइतबार राति लमही नगरपालिका -१ नर्तीमा ठक्कर दिँदा स्थानीय १० वर्षीया स्वस्तिका चौधरीको मृत्यु भएको हो ।
बाटो क्रस गर्नेक्रममा बालिकालाई मोटरसाइकलले ठक्कर दिएको थियो । मोटरसाइकलको ठक्करबाट गम्भीर घाइते भएकी बालिकाको लमही अस्पतालमा उपचारका क्रममा मृत्यु भएको प्रहरीले बताएको छ ।
