तुलसीपुर, १३ साउन । तुलसीपुरमा अटोले ठक्कर दिंदा किशोरी घाइते हुनु भएको छ । मंगलवार दिउँसो २ बजेको समयमा जसपुरबाट तुलसीपुरतर्फ आउँदै गरेको रा१ह ६६०६ नम्बरको अटोले राझेना मन्दिर नजिक पैदल यात्रीलाई ठक्कर दिएको थियो ।
अटोको ठक्करबाट तुलसीपुर–१० गोलौरा निवासी १६ वर्षीया ललिता विकको दायाँ खुट्टा भाँचिएको छ । विकको राप्ती प्रादेशिक अस्पताल तुलसीपुरमा सामान्य उपचारपछि थप उपचारका लागि सिटी हस्पिटल तुलसीपुरमा रेफर गरिएको छ ।
किशोरीलाई ठक्कर दिने अटोलाई इलाका प्रहरी कार्यालय तुलसीपुरले नियन्त्रणमा लिएको प्रहरी निरीक्षक प्रकाश थापाले जानकारी दिनुभयो ।
