दाङ १४ साउन/ दाङमा मोटरसाइकल दुर्घटना हुँदा चालकको मृत्यु भएको छ । मृत्यु हुनेमा बाँकेको कोहलपुर स्थानीय घर भई हाल दाङको घोराहीमा बस्ने पोक्सर बहादुर सुनार रहेको जिल्ला प्रहरी कार्यालय दाङले जनाएको छ ।
मृतक सुनार सोमबार बिहान रा ३ प ७११४ नम्बरको मोटरसाइकलमा तुलसीपुरदेखि अमिलिया हुँदै लमहीतिर जाँदै गर्दा साढे ९ बजेको समयमा दुर्घटनामा परेका थिए ।
अमिलिया-लमही सडकखण्डको लमही नगरपालिका -८ असानीमा आफैले चलाएको मोटरसाइकल अनियन्त्रित भएर दुर्घटना भएको हो । दुर्घटनामा गम्भीर घाइते भएका सुनारको लमही अस्पतालमा उपचारकै क्रममा मृत्यु भएको थियो ।
