तुलसीपुर, १९ साउन । दाङकाे तुलसीपुरमा माेटर लगाउने क्रममा करेन्ट लागेर एक जना पुरुषकाे मृत्यु भएकाे छ । शनिबार दिउँसाे सवा एक बजेकाे समयमा करेन्ट लागेर तुलसीपुर–११ प्रिगाउँ निवासी ५० वर्षीय बालाराम वलीकाे मृत्यु भएकाे हाे ।
आफ्नै घर नजिकैकाे बारीमा माेटर लगाउने क्रममा स्वीच थिच्दा वलीलाई दायाँ हातमा करेन्ट लागेकाे थियाे । राप्ती प्रादेशिक अस्पतालमा उपचारकाे क्रममा साढे एक बजे मृत्यु भएकाे इलाका प्रहरी कार्यालय तुलसीपुरका प्रहरी निरीक्षक प्रकाश थापाले जानकारी दिए ।
