दाङ २० साउन/ दाङको घोराही तुलसीपुर सडक खण्ड अवरुद्ध भएको छ । टिप्परको ठक्करबाट घाइते भएका मोटरसाइकलको चालकको उपचारको क्रममा मृत्यु भएपछि आफन्तहरुले सडक खण्ड अवरुद्ध गरेका छन् ।
शनिबार बेलुका घोराही –तुलसीपुर सडक खण्ड अन्तर्गत सौरी कुलामा घोराहीबाट तुलसीपुर आउँदै गरेको लु २ ख ५०८५ नम्बरको टिप्परले विपरीत दिशातर्फ गईरहेको बा ८५ प ५६०५ नम्बरको मोटरसाइकललाई ठक्कर दिएको थियो । ठक्करबाट मोटरसाइकल चालक घोराही उपमहानगरपालिका वडा नमवर ९ मछाहीका ३९ वर्षीय कुलबहादुर बस्नेतको उपचारको क्रममा मृत्यु भएको प्रहरीले जनाएको छ ।
प्रहरीका अनुसमर घाइते बस्नेतको उपचारको क्रममा हिजो बेलुका पौने ९ बजेको समयमा राप्ती स्वास्थ्य विज्ञान प्रतिष्ठानमा मृत्यु भएको हो ।
