तुलसीपुर, २० साउन । दाङको दंगीशरण गाउँपालिका–६ बागरमा मोटरसाइकलले पैदलयात्रीलाई ठक्कर दिंदा तीन जना घाइते भएका छन् । आइतबार बेलुका ८ बजेको समयमा बागरबाट तुलसीपुरतर्फ आउँदै गरेको बा–प्र–२०–०४७ प ७९७८ नम्बरको मोटरसाइकलले पैदलयात्रीलाई ठक्कर दिएर दुर्घटनामा परेको थियो ।
दुर्घटनामा पैदलयात्री सोही ठाउँकी ४५ वर्षीया डम्बरीकुमारी परियारको बाँया खुट्टामा चोट लागेको छ । परियारलाई राप्ती प्रादेशिक अस्पताल तुलसीपुरमा सामान्य उपचारपछि थप उपचारको लागि नेपालगञ्ज रेफर गरिएको छ ।
उक्त दुर्घटनामा मोटरसाइकल चालक दंगीशरण–३ हेकुलीका २७ वर्षीय आरएन चौधरी र मोटरसाइकलको पछाडि सवार सोही ठाउँका १६ वर्षीय राज चौधरी घाइते हुनु भएको छ । उहाँहरुको स्वास्थ्य अवस्था मध्यम रहेको इलाका प्रहरी कार्यालय तुलसीपुरका प्रहरी निरीक्षक प्रकाश थापाले जानकारी दिनुभयो ।
