तुलसीपुर २५ साउन । घोराहीबाट तुलसीपुर तर्फ आउदै गरेको बस अनियन्त्रित भई पल्टिँदा तीन जना घाइते भएका छन् ।घाइतेहरुको अवस्था सामान्य छ ।
शुक्रबार दिउँसो सवा १२ बजेको समयमा तुलसीपुर-१९ ग्वारखोला स्थित घोराहीबाट तुलसीपुर आउदै गरेको रा१ ख ९१५ न. को यात्रुवाहक बस अनियन्त्रित पल्टिएको थियो । उक्त बसका सवार दाङको दंगीशरण -५ बस्ने ६० वर्षीया प्रमी चौधरी निधारमा चोट अवस्था सामान्य, तुलसीपुर १९ निवासी रुचा कराला मुखमा चोट सामान्य र तुलसीपुर १४ बस्ने बर्ष ३२ वर्षीया गिता बस्नेत मुखमा चोट सामान्य रहेको ईप्रका तुलसीपुरले जनाएको छ ।
उनिहरुको राप्ती प्रादेशिक अस्पताल तुलसीपुरमा उपचार भई रहेको छ । बस चालक फरार छन् भने सहचालकलाई प्रहरीले नियन्त्रणमा लिएको छ ।
