तुलसीपुर ७ भदौ/ तुलसीपुर उपमहानगरपालिका वडा नं. ३ साततलेमा टिपर अनियन्त्रित भई पल्टिएको छ । शुक्रबार दिउँसो पौने ३ बजेको समयमा रोल्पाबाट तुलसीपुर हुँदै घोराही तर्फ जादै गरेको रा १ क १२३८ नं. को चुन ढुङ्गा बोकेको टिपर अनियन्त्रित भई पल्टिएको हो ।
टिपर सडकदेखि १ सय मिटर तल खसेको इलाका प्रहरी कार्यालय तुलसीपुरका प्रहरी निरिक्षक प्रकाश थापाले जानकारी दिनुभयो । उक्त स्थानमा प्रहरी पोष्ट गोठिखोलाबाट प्रहरी सहायक निरिक्षक प्रकाश भण्डारीको कमाण्डमा २ जनाको टोली खटिगएको छ । टिपर चालक फारार रहेका छन् ।
