दाङ १८ असोज । दाङमा मोटरसाइकलले ठक्करबाट साइकलयात्रीको मृत्यु भएको छ । मृत्यु हुनेमा लमही नगरपालिका–६ कुलामोहरका ४६ वर्षीय मंगल विक रहेका छन् । मोटरसाइकलबो ठक्करबाट घाइते भएका उनको उपचारका क्रममा मृत्यु भएको हो । विक लमही नगर विकास समितिका कार्यालय सहयोगी हुन् ।
बिहीबार पूर्वबाट पश्चिमतर्फ जाँदै गरेको रा ६ प ५४३० नम्बरको मोटरसाइकलले विपरित दिशाबाट आउँदै गरेको विक सवार साइकललाई ठक्कर दिएको थियो ।
गम्भिर घाइते भएका विकको उपचारका क्रममा कोहरपुरमा मृत्यु भएको दाङका प्रहरी प्रवक्ता डिएसपी ईश्वर थापाले जानकारी दिनुभयो । मोटरसाइकल चालक लमही नगरपालिका–८ का २२ वर्षीय एरोन चौधरी प्रहरीले नियन्त्रणमा लिएको छ ।
