तुलसीपुर २२ असोज । बबई नदिमा पौडी खेल्ने क्रममा डुबेर ९ वर्षीय बालकको मृत्यु भएको छ भने एक बालकको शकुसल उद्वार गरिएको छ । मंगलबार दिउँसो पौने ३ बजेको समयमा दाङको दंगीशरण गाउँपालिका ४ बैबाङ स्थित बबइ नदिमा पौडी खेल्ने क्रममा दंगीशरण १ बस्ने नरेश खड्काको छोरा ९ वर्षीय पुस्कर खड्का र कविराम पुनको छोरा ९ वर्षीय तारा पुन डुबेका थिए । नदिमा डुबेर बेपत्ता भएको भन्ने सुचनाको आधारमा गएको प्रहरी टोलीले र स्थानियको सहयोगमा तारा पुन शकुसल उद्धार गरेको छ ।
अर्का बेपत्ता भएका पुस्कर खड्काको डुबेको स्थानदेखि एकसय मिटर तल साढे ३ बजेको समयमा मृत अवस्थामा फेला परेको इलाका प्रहरी कार्यालय तुलसीपुरका प्रहरी निरिक्षक प्रकाश थापाले जानकारी दिनुभयो ।
