रोल्पा, १३ कात्तिक । रोल्पामा खोलाले बगाउँदा एक बालक वेपत्ता भएका छन् । जिल्लाको माडी गाउँपालिका- लाप्चुङ भर्लेवाङ स्थित माडी खोलामा खेल्ने क्रममा बालक वेपत्ता भएको प्रहरीले जनाएको छ ।
वेपत्ता हुने बालक माडी गाउँपालिका-६ अमराईबोटका नरेश विकका ६ वर्षिय छोरा निशान्त विक रहेका रोल्पा प्रहरी कार्यालयका प्रहरी निरीक्षक रोहित कुमार शाहीले जानकारी दिनुभयो। उहाँका अनुसार खोलाको किनारमा खेल्ने क्रममा विकलाई खोलाले बगाएको हो । वेपत्ता भएका बालकको साथमा देविराज विकका ५ वर्षिय छोरा बिजय विक पनि रहेको र उहाँ सकुशल रहेको प्रहरीले जानकारी दिएको छ ।
घटना मंगलबार दिउँसो १२ बजेको समयमा भएको पाइएको छ । घटनाको जानकारी प्राप्त हुनासाथ इलाका प्रहरी कार्यालय घर्तिगाउँबाट प्रहरी निरीक्षक देवसिंह भण्डारी र प्रहरी चौकी माडीचौरबाट प्रहरी सहायक निरीक्षक केशरबहादुर घर्ति मगरको नेतृत्वमा साथै स्थानीयहरुको सहभागितामा खोजी कार्य भैरहेको छ ।
