तुलसीपुर, १४ कात्तिक । इलाका प्रहरी कार्यालय तुलसीपुरले जफत गरिएको करिब दुई लाख बराबरको पटाका नष्ट गरेको छ । एक हप्तामा तुलसीपुरका विभिन्न स्थानबाट जफत गरिएका पटाका नष्ट गरिएको इलाका प्रहरी कार्यालय तुलसीपुरका प्रहरी निरीक्षक प्रकाश थापाले जानकारी दिनुभयो ।
उहाँकाअनुसार तुलसीपुर–१३ दमारगाउँ चेकपोष्ट र बजारका विभिन्न पसलबाट मुन्ना पटाका, सुतली पटाका, विग बुलेट पटाका, मार्सल पटाका, ट्रेसर बम पटाका, सोले बम पटाका, रकेट पटाका, लाइजामन्जुलगायतका पटाकाहरु जफत गरी नष्ट गरिएको छ ।
बुधबार इलाका प्रशासन कार्यालय तुलसीपुरका प्रतिनिधि, तुलसीपुर उद्योग वाणिज्य संघका प्रतिनिधि, पत्रकार लगायतको उपस्थितिमा उक्त पटाका नष्ट गरिएको हो ।
