काठमाडौँ २५ कात्तिक । नेकपा माओवादी केन्द्रको आइतबार बस्ने भनिएको पदाधिकारी बैठक स्थगित भएको छ । अध्यक्ष पुष्पकमल दाहाल प्रचण्डले आइतबार दिउँसो ३ बजे पार्टी केन्द्रीय कार्यालय पेरिस डाँडामा बैठक बोलाउनु भएको थियो ।
तर अध्यक्ष दाहालकै व्यस्तताका कारण बैठक स्थगित भएको सचिव गणेश साहले जानकारी दिनुभयो । साहका अनुसार बैठक सोमबार बिहान ८ बजे प्रचण्ड निवास खुमलटारमा बस्नेछ । बैठकमा केन्द्रीय समिति बैठकको तयारी, स्थानीय तह उपनिर्वाचन लगायत विषयमा छलफल हुने सचिव साहले बताउनुभयो ।
