काठमाडौं, २५ कात्तिक । नेपाली काँग्रेसका सभापति शेरबहादुर देउवाले रास्वपालाई लक्षित गदैँ काँग्रेसका नेता कार्यकर्ता पक्राउ पर्दा होहल्ला नगरेको बताउनु भएको छ ।
धनगढी विमानस्थलमा आज पत्रकारसँग कुरा गर्दै सभापति देउवाले रास्वपा लक्षित टिप्पणी गर्दै आफ्ना साथीहरू पक्राउ गर्दा कहिल्यै होहल्ला नगरेको बताउनु भएको हो ।
उहाँले सहकारी प्रकरणमा पक्राउ परेका रास्वपाका सभापति रवि लामिछानेको मुद्दा अदालती प्रक्रियामा रहेकाले आन्दोलन गरिरहनु नपर्ने बताउनुभयो ।
उहाँले भन्नुभयो–‘हाम्रा साथीलाई मुद्दा लाग्दा हामीले कहिल्यै होहल्ला गरेनौँ, यो अदालती प्रक्रियामा छ ।’
