बाँके ४ मंसिर । संविधानसभा सदस्य अब्दुल हमिद सिद्दिकी (भोला) को निधन भएको छ ।
बाँकेको नेपालगन्ज उपमहानगरपालिका वडा नम्बर ४ गणेशपुर निवासी काँग्रेस नेता सिद्दिकीको ५७ वर्षको उमेरमा गएराती हृदयाघातबाट निधन भएको हो ।
इमान्दार र जुझारु स्वभावका सिद्दिकी पहिलो संविधानसभा २०६४ मा सभासद् हुनुभएको थियो । उहाँको आज अपराह्न ४ बजे अन्त्येष्टि गरिने काँग्रेस बाँकेका सचिव सुधांशु कोइरालाले जानकारी दिनुभयो ।
