कपिलवस्तु १६ मंसिर । कपिलवस्तुको शुद्धोधन गाउँपालिका वडा अध्यक्ष पदको मतगणना आजैबाट सुरु हुने भएको छ । जिल्ला निर्वाचन अधिकारी अमरबहादुर वलीका अनुसार तीन वटा मतदानस्थलमा ६ वटा मतदान केन्द्रबाट मतदान जारी छ ।
उहाँले उपनिर्वाचनको मतगणनाका लागि सबै तयारी पूरा भएको जानकारी दिनुभयो । मतगणना आजै राति ८ बजेबाट सुरु हुनेछ । मुख्य निर्वाचन अधिकृत प्रकाशचन्द्र अधिकारीका अनुसार पतरिया स्वास्थ्य चौकीको माथिल्लो हलमा मतगणना स्थलको व्यवस्था मिलाइएको छ ।
जहाँ तारजाली र ५ वटा सिसी टिभी क्यामेरा पनि राखिएको छ । मतगणना स्थलमा १४ जना कर्मचारी र उम्मेदवार वा उनका प्रतिनिधिहरूलाई मात्र प्रवेश दिने व्यवस्था गरिएको छ । अधिकारीका अनुसार मतगणनाको प्रक्रिया निरन्तर जारी रहनेछ । राति १२ देखि १ बजेसम्म नतिजा सार्वजनिक हुने अपेक्षा गरिएको छ ।
