रोल्पा,२६ मंसिर । राेल्पामा ट्याक्टर दुर्घटना हुदाँ एक जनाकाे मृत्यु भएको छ । सुनछहरी गाउँपालिका वडा नं।३ डाँङजा स्थित कच्चि सडक खण्ड भित्रीगाम बाट बाहिरी गाम आउदै गरेको ट्याक्टर दुर्घटना भएको छ ।
मंगलबार राति सवा नौ बजे सुनछहरी गाउपालिका वडा नम्बर ३ मौलाबाङ बस्ने बर्ष ३३ को बर्मान बुढा मगरले चलाएको रा १ त ४१९८ नं।को ट्याकटर दुर्घटना भएको हो । ट्याक्टर चालक बुढा मगरको दुर्घटना स्थलमा मृत्यु भएको जनाइएको छ ।
ट्याक्टर दुर्घटना भएको खबर प्राप्त पाएपछि राति साडे दश बजेमा प्रहरी घटना स्थलमा पुगेको थियो । प्रहरी चौकी गामका प्रहरी सहायक निरीक्षक प्रकाश बिष्टको कमाण्डमा ४ जनाको टोली घटना स्थलमा पुग्दा ट्याक्टर सडकबाट करिब ३ सय मिटर तल खोलामा खसेको जिल्ला प्रहरी कार्यालय रोल्पाका प्रहरी नायव उपरीक्षक भरत लामाले जानकारी दिनुभयो । उहाँका अनुसार ट्याक्टर चालक सडक भन्दा करिब २५० मिटर तल भिरमा मृत अबस्थामा फेला परेको जिल्ला प्रहरी कार्यालय रोल्पाले जनाएको छ ।
