बुटवल, ८ पुस । बुटवलमा सिलौटाले हानेर एक महिलाको हत्या भएको छ ।
सोमबार बुटवल उपमहानगरपालिका ११ माझगाउँ बस्ने २६ वर्षिय सागर बिकले २२ वर्षिया श्रीमती अन्जना बिकको हत्या गरेको इलाका प्रहरी कार्यालय बुटवलले जनाएको छ।
२ बजेको समयमा सागरले अन्जनालाई विवादका क्रममा टाउकोमा सिलौटाले हानेर हत्या गरेको इलाका प्रहरी कार्यालय बुटवलका डिएसपी विजय पण्डितले जानकारी दिनुभयो ।
प्रहरीले सागरलाई नियन्त्रणमा लिएको छ भने शवलाई पोष्टमाटम गर्नको लागि लुम्बिनी प्रादेशिक अस्पताल पठाइएको छ । घटनाबारे अनुसन्धान सुरु भएको पण्डितले बताउनु भएको हो ।
