तेस्रो आँखा
काठमाडौं, २६ फागुन । स्पेनिस क्लब रियल मड्रिड च्याम्पियन्स लिग फुटबलको क्वाटरफाइनलमा प्रवेश गरेको छ ।
बुधबार राति भएको अन्तिम १६ को दोस्रो लेगमा फ्रेन्च क्लब पेरिस सेन्ट जर्मेनलाई तीन एक गोल ले हराउँदै समग्रमा तीन दुई को जितसहित रियल अन्तिम आठमा पुगेको हो ।
पहिलो हाफमा पीएसजीले एक शुन्य को जित निकालेको थियो । तर, दोस्रो हाफामा अग्रता जोगाउन नसक्दा पीएसजी बाहिरिएको छ ।
पीएसजीले गत सिजन च्याम्पियन्स लिगको सेमिफाइनलसम्म पुगेको थियो ।
घरेलु मैदानमा रियललाई जित दिलाउन करिम बेन्जिमाले ह्याट्रिक गोल गरे ।
पीएसजीका केलियन एमबाप्पेले एक गोल फर्काए ।
खेलको ३९ औं मिनेटमा एमबाप्पेले गोल गर्दै पीएसजीलाई सुरुआती अग्रता दिलाएका थिए ।
तर,६१ औं मिनेटमा बेन्जिमाले गोल गर्दै रियललाई एक एक को बराबरीमा ल्याए ।
७६ औं मिनेटमा बेन्जिमाले व्यक्तिगत दोस्रो गोल गर्दै टोलीलाई दुई एकको अग्रता दिलाए ।
त्यसपछि खेलको ७८ औं मिनेटमा बेन्जिमाले ह्याट्रिक पूरा गर्दै रियललाई तीन एकको जित दिलाए ।
बेन्जिमाले १७ मिनेट भित्र ह्याट्रिक पूरा गरेका हुन् । बेन्जिमा च्याम्पियन्स लिगमा तीन पटक ह्याट्रिक गर्ने पहिलो फ्रेन्च खेलाडी बनेका छन् ।
