नेपालगन्ज, माघ १८ । बाँकेको कोहलपुर नगरपालिका २ बर्दहवा नजिकै मोटरसाइकल दुर्घटना हुँदा कोहलपुर १५ का अनुपकुमार थारुको मृत्यु भएको छ भने दुई जना घाइते भएका छन् ।
बिहीबार राति बिवाहबाट घर फर्किने क्रममा मोटरसाइकल दुर्घटना हुँदा भे १२ प ४२६८ नम्बरको मोटरसाइकलमा सवार रहेका थारुको घटनास्थलमा नै मृत्यु भएको इलाका प्रहरी कार्यालय कोहलपुरले जनाएको छ ।
घाइते हुनेमा कोहलपुर नगरपालिका—१५ चौधरीयाका ईसम थारु र जिवन थारु रहेका छन् ।
घाइतेहरुको नेपालगन्ज मेडिकल कलेज शिक्षण अस्पताल कोहलपुरमा उपचार भइरहेको ईलाका प्रहरी कार्यालय कोहलपुरले जनाएको छ ।
