काठमाडौं, ३० फागुन। निर्वाचन आयोगमा स्थानीय तह निर्वाचनका लागि ७९ वटा राजजनीतिक दल दर्ता भएका छन्। निर्वाचन आयोगका प्रवक्ता शालिग्राम शर्मा पौडेले सोमबार विज्ञप्ति जारी गर्दै ७९ वटा राजनीतिक दल दर्ता भएको जानकारी दिए।
आगामी वैशाख ३० मा हुन लागेको स्थानीय तह निर्वाचनका लागि ८० वटा दलले दल दर्ताका लागि निवेदन दिएकाे तर ७९ वटा दलको दल दर्ता भएको विज्ञप्तिमा उल्लेख छ।
पौडेलकाअनुसार स्थानीय तहको निर्वाचन प्रयोजनका लागि दर्ता हुन निवेदन प्राप्त भएका ८० वटा राजनीतिक दलहरुको निवेदनका सम्बन्धमा जाँचबुझ गरी फागुन २६ को आयोगको निर्णयअनुसार ७९ वटा राजनीतिक दलहरु दर्ता भएका छन्।
