चितवन, फागुन ९ । चितवन जिल्ला भरतपुर महानगरपालिका–३ पुलचोकस्थित नारायणी नदीको पुलबाट हामफालेका व्यक्तिको सशस्त्र प्रहरीले सकुशल उद्धार गरेको छ ।
सोही महानगरपालिका–२ आँपटारी बस्ने ७९ वर्षीय खिला शर्मा अधिकारीले पुलबाट नारायणी नदीमा हामफाल्नुभएको थियो । अधिकारीलाई चितवनबाट खटिएको इमिडियट रेस्पोन्स टिम (आइ आर टी) ले शुक्रबार सकुशल उद्धार गरी उपचारका लागि भरतपुर अस्पताल पठाएको सशस्त्र प्रहरीले जनाएको छ ।
