काठमाडौं पुस १३ गते । राष्ट्रिय स्वतन्त्र पार्टी (रास्वपा) र काठमाडौं महानगरपालिकाका मेयर बालेन्द्र साह (बालेन) बिच ७ बुँदे सहमति भएको छ । उहाँहरूबिच आइतबार बिहान (पुस १३ गते) सहमति भएको हो ।
आइतबार बिहान भएको सहमतिपत्रमा रवि लामिछाने र बालेन्द्र साहले हस्ताक्षर गरेका छन् । एकीकरणपछि पार्टीको नाम राष्ट्रिय स्वतन्त्र पार्टी र चुनाव चिह्न घण्टी नै रहने भएको छ ।
दुई नेताबीच राष्ट्रिय स्वतन्त्र पार्टीको केन्द्रीय सभापति रवि लामिछाने रहने र आसन्न प्रतिनिधिसभाको निर्वाचनपछि संसदीय दलको नेता बालेन्द्र साह (बालेन) हुने सहमति भएको छ ।
