एजेन्सी, १६ चैत्र । छात्राहरूलाई विद्यालय जान तालिबानले प्रतिबन्ध गरेपछि ६० करोड अमेरिकी डलरको परियोजनाहरू बन्द गर्ने विश्व बैंकले निर्णय गरेको छ । शिक्षा, स्वास्थ्य र कृषिका साथै महिलाको सशक्तिकरण गर्ने विश्व बैंकको परियोजना थियो ।
गत हप्ता तालिबानले छात्राहरूका लागि विद्यालय खुल्ने निर्णय फिर्ता लिएको घटना अन्तर्राष्ट्रिय रुपमा विवादको विषय बनेको छ । बेलायत र अमेरीकालगायत १० राष्ट्रहरूले शुक्रबार संयुक्त वक्तव्यमा तालिबानको गतिविधिहरु चिन्ताजनक भएको जनाएका छन् ।
कतारमा नियोजित अमेरिकी विदेश मन्त्रालय र तालिबानबीचको बैठक पनि रद्द भएको छ । तालिबानले बैंकको लक्ष्य र सर्त पुरा गरे मात्र परियोजनाको पुन:स्थापना गर्ने विश्व बैंकको दाबी छ ।
