तेस्रो आँखा
काठमाडौं, ८ वैशाख । राष्ट्रिय प्रजातन्त्र पार्टीले नन्दलाल बैश्यलाई नेपालगञ्जको मेयरमा उठाउने भएको छ । यसअघि नेकपा माओवादी केन्द्रमा रहेका बैश्य पार्टीबाट टिकट नपाउने भएपछि राप्रपा प्रवेश गरेका छन् ।
राप्रपा बाँकेका अध्यक्ष तथा मेयरका आकांक्षी नरेन्द्र पौडेलले बैश्यलाई मेयरको टिकट दिने सहमति अनुसार नै राप्रपा प्रवेश गराएको बताए । बैश्यको राप्रपा प्रवेशसँगै चुनावी चहलपहल बढेको अध्यक्ष पौडेलले बताए । ‘हामीले बैश्यलाई प्रवेश गरायौं’, अध्यक्ष पौडेलले भने, ‘एक खालको सहमति नै भएको छ । जुन सहमति अनुसार उहाँ राप्रपाबाट नेपालगञ्जको मेयरमा चुनाव लडुनुहुन्छ ।’ नेपालगञ्जमा बैश्य समुदायको उल्लेख्य उपस्थिति रहेकाले उनीहरुको भोट तान्न राप्रपाले बैश्यलाई उम्मेदवार बनाउन लागेको हो ।
