तेस्रो आँखा
काठमाडाैं,१५ जेठ ।ओखलढुंगाको सुनकोशी गाउँपालिका अध्यक्ष कमल तामाङ सहितको टिमले गाउँपालिका वरपर सरसफाइ तथा वृक्षारोपण गरेका छन् । १५ औं गणतन्त्र दिवशको अवसरमा गाउँपालिकाले सरसफाइ तथा वृक्षारोपण गरेको हाे ।
पालिका अध्यक्ष कमल तामाङको नेतृत्वमा भएको उक्त कार्यक्रममा गाउँपालिकाका पूर्व अध्यक्ष रुद्रप्रसार अधिकारी, उपाध्यक्ष सुनिता अधिकारी, प्रमुख प्रशासकीय अधिकृत रामकुमार कार्की लगायत जनप्रतिनिधि, कर्मचारी सुरक्षाकर्मी र स्थानीयको समेत सहभागिता रहेको थियो ।
गणतन्त्र दिवश भाषण गरेर भन्दा काम गरेर मनाउने भन्ने सोचका साथ पालिका परिषरमा सरसफाइ तथा वृक्षारोपण गरेको गाउँपालिका अध्यक्ष कमल तामाङले बताए ।
