तेस्रो आँखा
काठमाडौ,२८ जेठ । तनहुँको कुखुरे खोला तर्ने क्रममा वेपत्ता भएका कुखुरे माइलाको नामबाट चिनिने याम बिकको आज बिहान शव फेला परेको छ । शुक्लागण्डकी नगरपालिका १० कुखुरे खोला बस्ने बिक शुक्रबार वेपत्ता भएका थिए ।
आफ्नै घर जाने क्रममा खोलामा आईरहेको भेलले उनलाई बगाएको थियो । हिजो रातिदेखि स्थानीय र प्रहरीको सहायतामा खोजी कार्य जारी राखिएकामा आज विहान ७ बजे उक्त स्थानदेखि ४ सय मिटर तल ब्राहा खोलाको छेउमा बिक मृत अबस्थामा फेला परेका हुन् । ५२ वर्षिय बिकको खोलाले बगाएर मृत्यु भएको देखिए पनि घटना सम्बन्धमा थप अनुसन्धान भईरहेको प्रहरीले जानकारी दिएको छ ।
