विराटनगर । गत साउन २ गते अपहरणमा परेकी मोरङको बुढीगंगा गाउँपालिका –१ का दीपेन्द्र यादवको एक वर्षीया छोरीलाई प्रहरीले भारतबाट उद्धार गरेको छ । मोरङ प्रहरीबाट खटिएको प्रहरीले भारतको दरभङ्वाबाट उद्धार गरेर बुधवार बिहान विराटनगर ल्याएको हो ।
बच्चालाई अपरहण गर्ने अञ्जली साहलाई समेत प्रहरीले नियन्त्रणमा लिएको छ । उनले भारतको दरभङ्वामा आफन्तको घरमा बच्चालाई राखेकी थिइन् । प्रहरीले दरभङ्वाबाट बालिकालाई सकुशल उद्धार गरेर ल्याएको मोरङ प्रहरीका डिएसपी राजन कार्कीले जानकारी दिए ।
‘के कारण बच्चालाई अपहरण गरेको हो भन्ने नखुलेको बताइएको छ । अहिले बच्चालाई र लैजानेलाई नियन्त्रणमा लिएका अनुसन्धान भइरहेको डिएसपी कार्कीले बताए । अहिले प्रहरी अनुसन्धानको क्रममा रहेका कारण थप अनुसन्धानपछि बच्चा लैजानुको कारण खुल्ने बताइएको छ ।
साउन २ गते सोमवार अञ्जलीले रोडशेष चौकबाट प्रेमी दीपेन्द्रलाई झुक्याएर बालिकालाई लिएर फरार भएकी थिइन् । बच्चालाई लिएर जाने अञ्जली दीपेन्द्रको प्रेमिका रहेको खुलेको छ ।
