तेस्रो आँखा
काठमाडाैं, २९ साउन। नेकपा एमालेका सचीब योगेश भट्टराईले काठमाडौं महानगरको मेयर बालेन्द्र शाह (बालेन)लाई काठमाडौंको फोहोर व्यवस्थापनको लागि ठोस प्रस्तावसहित एमालेसँग आउन आग्रह गरेका छन् ।
आजको प्रतिनिधिसभा बैठकमा भट्टराईले यस्तो आग्रह गरेका हुन् । ‘यो सरकारले काठमाडौंको फोहोर व्यवस्थापन गर्न कुनै कदम चाल्ने छैन’, नेता भट्टराईले भने ‘ काठमाडौंका मेयर शाहलाइ म आग्रह गर्न चाहन्छु, ठोस प्रस्तावसहित एमालेसँग आउनुस एमाले तपाईँलाई सहयोग गर्न तयार छ ।’
सरकारकाे पछि लाग्दा मेयर शाह सफल हुन नसक्ने उनको भनाइ छ । उनले काठमाडौंमा फोहोरको व्यवस्थापन नहुँदा हैजा लगायतको संक्रमण राेग फैलिन सक्ने जोखिम उच्च भएको बताए ।
