तेस्रो आँखा
इलाम । पूर्वप्रधानमन्त्री तथा नेकपा (एकीकृत समाजवादी)का नेता झलनाथ खनालले मंसिर चारको प्रतिनिधिसभा सदस्य निर्वाचनमा इलामको क्षेत्र नम्बर १ उम्मेदवारी दिने बताएका छन् ।
आज इलाममा पत्रकारहरुसँग कुरा गर्दै नेता खनालले केन्द्रीय तहमा सत्तारुढ दल गठबन्धन गरेरै निर्वाचनमा जाने विषयमा छलफल भइरहेकोले आफूले अहिले सांसद रहेकै क्षेत्रबाट उम्मेदवारी दिने बताएका हुन्।
‘आउँदो निर्वाचनमा म सक्रियतापूर्वक अगाडि बढ्नुपर्छ भन्ने निष्कर्षमा छु,’ खनालले भने, ‘मैले चुनाव लड्नुपर्दा अर्को निर्वाचन क्षेत्र खोज्दिनँ, मैले निर्वाचन लड्ने क्षेत्र भनेको इलामको १ नै हो। यही क्षेत्रमा म आउँछु।’
