- तेस्रो आँखा डेस्क
काठमाडौं, २४ मंसिर । नेपाली कांग्रेसका नेता कृष्णप्रसाद सिटौलाले कांग्रेसको १४ औ महाधिवेशनमा सबै भन्दा बढी प्रतिस्पर्धा भएको बताएका छन ।
तल्लो तह देखि माथिल्लो तह सम्मै देखिएको प्रतिस्पर्धा अहिले सम्मकै बढी भएको भन्दै यसले आगामी चुनावलाई असर पार्ने खतरा कांग्रेसका सामु रहेको बताए ।
'प्रतिस्पर्धाबाट सिर्जित समस्यालाई कसरी सम्बोधन गर्ने ? अहिले सबै भन्दा बढी प्रतिस्पर्धा भएको छ।' उनले भने 'निर्वाचनमा असर नपुगोस, अबको तीन र चार महिनाको अवधीमा भावनात्मक एकता बन्नु पर्छ।' अहिले नेपाली राजनीति अत्यन्त दुर्गन्धित बनेको यसलाई सफा बनाउने दायित्व कांग्रेसकै रहेको बताए ।
