तेस्रो आँखा
काठमाडौं । नेकपा एमालेका अध्यक्ष केपी शर्मा ओलीले राजनीति ठिक भयो भने सबै क्षेत्र ठिक हुने बताएका छन् ।
मंगलबार काठमाडौंमा आयोजित अखिल नेपाल महिला संघको कार्यक्रममा अध्यक्ष ओलीले सबै क्षेत्रको नीति राजनीतिसँग जोडिएको हुनाले राजनीति अन्य सबै नीतिको मुल नीति र उदगम स्थल भएको बताए । सबै नीतिहरु ठिक हुनको लागि राजनीति ठिक बनाउनुपर्ने उनको भनाइ छ ।
लोकतन्त्र जनताले गर्ने राजनीति भएकोले जनताले आफ्नो काम भोट हाल्ने मात्र ठान्न नहुने उनले स्पष्ट पारे । राजनीति देश बनाउने विषय भएकोले यसलाई घृणा गर्न नहुने उनले स्पष्ट पारे । राजनीति देशको समृद्धिको लागि, आम नागरिकलाई खुसी बनाउनको लागि, विश्वलाई सुन्दर र शान्त बनाउनको लागि गर्ने विषय भएको उनको भनाइ छ ।
फरक प्रसंगमा ओलीले अहिलेको सरकारले केहि काम नगरेको आरोप लगाए । अहिलेको सरकारले संसद देखि सर्वोच्च अदालत सम्मलाई बेहाल बनाएको उनको भनाइ छ । उनले नेपालमा महिला नेतृत्व र विकास बढ्दै गएको बताए ।
