तेस्रो आँखा
काठमाडौं । नेकपा एमालेले आजको कार्यव्यवस्था परामर्श समितिको बैठकमाा नागरिकता विधेयक विषयत सहमतिमा पठाउन माग गरेको छ ।
राष्ट्रपतिले विधेयकलाई पुनर्विचारका लागि फिर्ता पठाएको भन्दै एमाले नेताहरुले यसलाई राजनीतिक दाउपेचको रुपमा लिन नहुने बताएका छन् । नेकपा एमालेका प्रमुख सचेतक विशाल भट्टराईले नागरिकता विधेयकलाई विषयत समितिमा लगेर एक पटक छलफल गरेर ल्याउनुपर्नेमा जोड दिए । राष्ट्रपतिले चासो दिएको विषयलाई राजनीतिक शक्तिको आधारमा हेर्न नहुने र यसलाई गम्भिर रुपमा अध्ययन तथा छलफल गर्नुपर्ने उनको भनाइ छ ।
संसदका दुवै सदनबाट पास भइसकेको नागरिकता सम्बन्धी विधेयक १५ साउनमा सभामुख अग्निप्रसाद सापकोटाले राष्ट्रपतिकहाँ प्रमाणीकरणका लागि पठाएका थिए । तर राष्ट्रपति भण्डारीले १५ बुँदे सन्देशसहित २९ गते उक्त विधेयक प्रतिनिधिसभामै फिर्ता पठाएकी थिइन् । ३१ साउनमा बसेको सत्ता गठबन्धनको बैठकले उक्त विधेयक हुबहु अघि बढाउने निर्णय गरेको थियो । नागरिकता विधेयकलाई आजै हुबहु पारित गर्ने तयारी सत्तारुढ गठबन्धनले गरेको छ ।
