तेस्रो आँखा
काठमाडौं । नेकपा एमालेले आगामी निर्वाचनका लागि आफूखुसी उम्मेदवारी घोषणा नगर्न निर्देशन दिएको छ ।
पार्टी कार्यालय च्यासलमा जारी केन्द्रीय कमिटीको बैठकमा एमाले अध्यक्ष केपी शर्मा ओलीले आफूखुसी उम्मेदवारी घोषणा नगर्न निर्देशन दिएका हुन् । टिकट दिए जित्ने गरी लाग्न र नदिए अरूलाई जिताउन भूमिका खेल्न उनले आग्रह गरेका छन् ।
शुक्रबारको बैठकमा ओलीले राजनीतिक प्रतिवेदन पेस गरेका थिए । प्रतिवेदनमाथि नौ समूह बनाएर छलफल गरिएको थियो । शुक्रबारदेखि जारी बैठक आज सकाउने तयारी एमालेको छ ।
