काठमाडौं । साताको पहिलो दिन आज (आइतवार) सेयर बजारमा सुधार देखिएन । सेयर बजार आज उच्च अंकले घटेको नेपाल स्टक एक्स्चेन्जले जनाएको छ । नेप्से आज ३३ दशमलव ३६ अंकले घटेर एक हजार नौ सय ८९ दशमलव २६ विन्दुमा ओरालो लागेको छ ।
म्युचल फन्डबाहेक सबै समूहको सेयर ओरालो लागेको छ । बीमा, माइक्रोफाइनान्स, विकास बैंक, जलविद्युत्, फाइनान्स लगायतका समूहको सेयर भने उच्च अंकले नै घटेको छ ।
आइतबार दुई सय २४ वटा कम्पनीका ६१ लाख ४८ हजार कित्ता सेयर दुई अर्ब पाँच करोड ९७ लाख रुपैयाँमा कारोबार भयो । अरुण काबेली पावर कम्पनीको सबैभन्दा धेरै १० करोड ३३ लाख रुपैयाँको सेयर कारोबार भएको छ भने रुरु जलविद्युत् परियोजनाको सेयर १० प्रतिशतले घटेको जनाइएको छ ।
