तेस्रो आँखा
काठमाडौं । नेपाली कांग्रेसका महामन्त्री गगन थापाले आगामी निर्वाचनमा काठमाडौं क्षेत्र नम्बर चारबाट नै प्रतिनिधिसभा सदस्यमा उम्मेदवारी दिने बताएका छन् ।
सामाजिक सञ्जाल ट्वीटरमा बुधबार ट्वीट गर्दै थापाले काठमाडौं चारबाटै निर्वाचन लड्ने बताएका हुन् । कास्की क्षेत्र नम्बर एकबाट उम्मेदवारका लागि आवेदन परेको चर्चा भएपछि उनले यस्तो स्पष्टीकरण दिएका हुन् ।
कास्की क्षेत्रे नम्बर एकमा पार्टीका साथहिरुले स्नेहपूर्वक चाहना राखेर प्रतिनिधिसभा सदस्य उम्मेदवारका लागि नाम प्रस्तुत गरेको भन्दै थापाले सो सद्भाावको लागि धन्यवाद ज्ञापन गरेका छन् । उनले उम्मेदवारीको तयारी गरिरहेकाले स्वभाविक रुपमा काठमाडौं चारबाटै निर्वाचन लड्ने स्पष्ट पारेका छन् ।
