तेस्रो आँखा
- तेस्रो आँखा डेक्स
काठमाडौं २६ मंसिर । नेपाली कांग्रेसका नेता डा. शेखर कोइरालाको पक्षमा सर्मथन जुट्ने क्रम जारी रहेको छ । कांग्रेस सभापति पदमा उम्मेदवारी दिएका युवराज न्यौपानेले आफ्नो उम्मेदवारी फिर्ता लिंदै सभापति पदका अर्का उम्मेदवार डा. शेखर कोइरालालाई औपचारीरूपमै समर्थन गरेका छन् ।
आफूले उठाएका मुद्दाका २८ वटा बुँदालाई कोइरालाले आत्मसात गर्ने प्रतिबद्धता जनाएपछि समर्थन गर्ने निर्णयमा पुगेको जानकारी न्यौपानेले दिएका छन् । गोरखा निवासी न्यौपाने तरुण दलका नेता हुन् ।
सभापति पदका उम्मेदवार डाक्टर शेखर कोइरालले देउवा टिमका असन्तुष्ट नेताहरूसँग भेटावार्ता गरिरहनुभएको उहाँ निकट स्रोतले जानकारी दिएको छ । असन्तुष्ट नेताहरू कोइरालाप्रति सकारात्मक रहेका स्रोतको दाबी छ । न्यौपानेको उम्मेदवारी फिर्तासँगै कांग्रेस सभापतिको दौडमा शेरबहादुर देउवा,शेखर कोइराला, प्रकाशमान सिंह,विमलेन्द्र निधी र कल्याण गुरुङ छन् ।
