तेस्रो आँखा
काठमाडौं, २७ मंसिर । संघीय संसद्का सभामुख अग्निप्रसाद सापकोटाले संसद् भवनको अवलोकन गरेका छन् । भोली बस्ने संघीय संसदका दुवै सदनको बैठककालागि सभामुख सापकोटाले बिहान संसद् भवनको अवलोकन गरेका हुन ।
भोलीबाट सुरुहुने संसद्को हिउँदे अधिवेशनका लागि संघीय संसद्का सांसदहरुले कोरोना पीसीआर परिक्षण गरेका छन् । यसैबीच, सभामुख सापकोटाले संसदको प्रभावकारिताका लागि राजनीतिक दलहरुको भूमिका निर्णायक हुने बताएका छन् ।
सभामुखको भूमिका समन्वय र सहजीकरण गर्ने रहेकाले आफूले सबैसँग छलफल गर्दै अघि बढ्ने बताए । यसअघिका बैठक प्रतिपक्षी एमालले अवरोध गर्दै आएको थियो । उनले पुनः त्यसै भए सर्वदलीय बैठक आह्वान गर्ने बताए । उनले भाेली हुने संसद् बैठककालागि पीसीआर परिक्षण गरेका छन् ।
यसैबीच, मंगलबार बस्ने संसद् बैठकका लागि माओवादी केन्द्रका अध्यक्ष पुष्पकमल दाहालले पीसीआर परिक्षण गरेका छन् । उनले संसद् भवनमा पुगेर पीसीआर परिक्षण गरेका हुन ।
