काठमाडौं, २७ मंसिर । नेपाली काँग्रेस १४ औं महाधिवेशन अन्र्तगत काठमाडौंको भृकुटीमण्डपमा जारी मतदानमा अहिलेसम्म १५ सय मत खसेको छ । नयाँ नेतृत्वसहितको कार्यसमिति चयनका लागि भृकुटीमण्डप परिसर, भृकुटीमण्डप प्रदर्शनी कक्ष र राष्ट्रियसभा गृह परिसर मतदान जारी छ ।
कांग्रेस केन्द्रीय निर्वाचन समितिका सचिव केशव रिजालले २९ वटा मतपत्र भएकाले केहि समय लागेको बताए । मतदान निर्धारित समयभन्दा साढे तीन घण्टा ढिलो गरि सुरु भएको हो । महाधिवेशनमा ४ हजार ४७३ जना प्रतिनिधि छन् । प्रतिनिधिले करिब एक घण्टा लगाएर मतदान गर्दछन् ।
