तेस्रो आँखा
काठमाडौं । धरान उपमहानगरपालिकाका मेयर हर्क साम्पाङले निर्वाचन आयोगले ५ लाख ५० हजार जरिवाना गर्नु भनेको लुट्नु भएको भन्दै असन्तुष्टि व्यक्त गरेका छन् ।
मंगलबार सामाजिक संजाल फेसबुकमार्फत आयोगले तोकेको जरिवानाप्रति मेयर साम्पाङले असन्तुष्टि प्रकट गरेका हुन् । उनले आफ्नो चुनावमा खर्च २ लाख पनि खर्च नभएको जानकारी समेत दिए, मेरो पूरा खर्च नै २ लाख नि थिएन जरिवाना चाहिँ त्यति धेरै ! ।’
उनी थप्छन्,’ दुई दिन ढिलो गरी खर्च विवरण पेस गरेको भनेर निर्वाचन आयोगले ५ लाख ५० हजार जरिवाना गर्नु भनेको लुट्नु हो ।’
निर्वाचन आयोगले खर्च विवरण ढिला गरि बुझाउने, खर्च विवरण नबुझाउने स्थानिय तह निर्वाचनका उम्मेद्वारलाई जरिवाना गरेपछि उनको यस्तो प्रतिक्रिया आएको हो ।
