काठमाडौं । पछिल्लो चौबीस घण्टामा नेपालभर थप ८१ जनामा कोरोना भाइरस पुष्टि भएको छ ।
जम्मा तीन हजार ४४७ जनाको नमुना परीक्षण गर्दा ८१ जनामा कोरोना भाइरस पुष्टि भएको स्वास्थ्य तथा जनसंख्या मन्त्रालयले जनाएको छ ।
एक हजार ९७ जनाको पिसिआर परीक्षण गर्दा ३९ जनामा र दुई हजार ३५० जनाको एन्टीजेन परीक्षण गर्दा ४२ जनामा कोरोना भाइरस पुष्टि भएको छ ।
मन्त्रालयका अनुसार पछिल्लो चौबीस घण्टामा कोरोना संक्रमणको कारण कसैको मृत्यु भएको छैन । एक सय ७५ संक्रमित निको भएका छन् । नेपालमा हाल एक हजार ४८३ जना सक्रिय संक्रमित भएको स्वास्थ्य मन्त्रालयको तथ्यांक छ ।
