तेस्रो आँखा
अर्घाखाँची । अर्घाखाँचीको शितगंगा नगरपालिकामा श्रीमानले श्रीमतीको हत्या गरेका छन् । शितगंगा नगरपालिका – ३ खस्रकामा आपसी विवाद हुँदा भएको झगडामा दिउँसो करीव ४ बजे श्रीमान्को आक्रमणबाट श्रीमतीको मृत्यु भएको हो ।
पारिवारीक विषयमा विवाद हुँदा ५३ वर्षीय पिताम्बर भुसालले लोहोराले हानेर ५० वर्षीया मनकला भुसाल श्रीमतीको हत्या गरी प्रहरीमा आत्मसमर्पण गरेका हुन् ।
घटनाको थप अनुसन्धान थालिएको इलाका प्रहरी कार्यालय ठाडाका प्रहरी प्रमुख होमनाथ रेग्मीले जानकारी दिए । मृतक मनकलाको माइती पक्ष नआएकोले शव उठाउन नसकिएको समेत रेग्मीले बताए । मृतक भुसालका दुई छोरा र एक छोरी रहेका छन् ।
