काठमाडौं । नेकपा (माओवादी केन्द्र) का अध्यक्ष पुष्पकमल दाहाल प्रचण्ड अहिले चितवनमा छन् । चुनावी प्रचार र पार्टी कामका लागि उनी चितवन पुगेका हुन् ।
आफ्नो निर्वाचन क्षेत्र चितवन ३ का असन्तुष्ट नेता तथा कार्यकर्तालाई अन्य पार्टीमा जानबाट रोक्न चितवन पुगेका प्रचण्डले त्यहा विविध राजनीतिक गतिविधि सञ्चालन गर्ने कार्यतालिका रहेको छ । प्रचण्ड पत्नी सीता दाहालसँगै चितवन पुगेका हुन् ।
यसैबीच आज प्रचण्ड भरतपुर महानगरको १४ नम्बर वडामा बनेको आफ्नो नयाँ घरमा सर्दै छन् । यसअघि शिवनगरमा भाडामा घर लिएर बसेका प्रचण्ड आफ्नै घरमा सर्न लागेका हुन् ।
शिवनगरकै नजिक बनेको नयाँ घरमा प्रचण्ड सर्न लागेका हुन् । उनी बिहान ११ बजे नयाँ घरमा सर्ने कार्यक्रम रहेको पारिवारिक स्रोतले पुष्टि जनाएको छ ।
