- तेस्रो आँखा डेस्क
काठमाडौं, २८ मंसिर। नेपाली कांग्रेसको १४ औं महाधिवेशन अन्तर्गत सभापति पदमा दोस्रो चरणको मतदान सुरु भएकाे छ । मतदानका लागि कांग्रेस प्रतिनिधिहरु लाइन बसेका छन् ।
राष्ट्रियसभागृह बाहिर प्रदर्शनीमार्गमा कांग्रेस नेता कार्यकर्ताको ठूलो भीड लागेको छ । मतदाताको लाइनलाई सहज बनाउनका लागि महिला पुरुष तथा जेष्ठ नागरिकको लाइन छुट्टाछुट्टै लाइन बनाइएको छ ।
त्यस्तै, नेपाल ल क्याम्पस अगाडिबाट प्रहरीले महाधिवेशन प्रतिनिधिलाई मात्र भित्र प्रवेश दिएको छ । निर्वाचन समितिले दोस्रो चरणको मतदानका लागि साढे ३ देखि ७ बजेसम्मको समय तोकेको थियो । निर्वाचन समितिकाअनुसार सभापति पदमा मात्र मतदान हुने भएकाले छिटो हुनेछ ।
पहिलो चरणको निर्वाचनमा सभापतिका कुनै पनि उम्मेदवारले बहुमत ल्याउन नसकेपछि पुनस् मतदान हुन लागेको हो । दोस्रो चरणमा शेरबहादुर देउवा र शेखर कोइरालाबीच प्रतिस्पर्धा हुँदैछ ।
