काठमाडौं, २८ मंसिर। नेपाली कांग्रेसको १४ औं महाधिवेशन अन्तर्गत सभापति पदमा दोस्रो चरणको मतदान सुरु भएको छ । दोस्रो चरणको मतदानमा १३ सय मत खसेको छ ।
निर्वाचन समितिले दोस्रो चरणको मतदानका लागि साढे ३ देखि ७ बजेसम्मको समय तोकेको थियो । निर्वाचन समितिकाअनुसार सभापति पदमा मात्र मतदान हुने भएकाले छिटो हुनेछ ।
पहिलो चरणको निर्वाचनमा सभापतिका कुनै पनि उम्मेदवारले बहुमत ल्याउन नसकेपछि पुन: मतदान हुन लागेको हो । दोस्रो चरणमा शेरबहादुर देउवा र शेखर कोइरालाबीच प्रतिस्पर्धा हुँदैछ ।
