तेस्रो आँखा
काठमाडौं । विवेकशील साझा पार्टीका नेता समुन्द्र केसी ललितपुर – ३ (क) बाट चुनाव लड्ने भएका छन् । विवेकशील साझा सूचना विभागले सोमबार एक विज्ञप्ति जारी गर्दै पार्टीको तर्फबाट आगामी मंसिर ४ को चुनावमा ललितपुर क्षेत्र नम्बर ३ (क)मा समुन्द्रलाई उम्मेदवार बनाउने जनाएको हो ।
समुन्द्र, ललितपुर जिल्ला नेतृत्व हुँदै बागमती प्रदेश सचिव भइसकेका छन् । हाल विवेकशील साझाको केन्द्रीय समितिमा रहेका समुन्द्रले ब्रिटिश कलेज थापाथलीबाट सूचना प्रविधिमा स्नातक गरेर त्रिभुवन विश्वविद्यालयबाट राजनीतिशास्त्रमा स्नातकोत्तर गरिरहेका छन् ।
उद्धमशीलता, सामाजिक तथा राजनीतिक गतिविधिमा निरन्तर संलग्न केसी २०७२ सालमा संविधान घोषणा हुँदा नेपालमा भएको नाकाबन्दीमा देशको विकराल अवस्था देखेर राजनीतिमा आएका थिए ।
