काठमाडौं । स्वतन्त्र पार्टी खोलेर राजनीतिमा होमिएका रवि लामिछाने चितवन २ बाट चुनाव लड्ने भएका छन् ।
उनी उम्मेद्वारी दर्ताका लागि चितवन पुगेका छन् । यसअघि उनी काठमाडौंबाटै चुनाव लड्ने चर्चा थियो । चितवन २ मा कांग्रेसले राज्यमन्त्री उमेश श्रेष्ठलाई टिकट दिएको छ । उनी गठबन्धनको साझा उम्मेदवार हुन् ।
यस्तै, नेकपा (एमाले) ले भने कृष्णभक्त पोखरेललाई अघि सारेको छ । पोखरेल यसअघि पनि सोही क्षेत्रबाट निर्वाचित भएका थिए ।
