काठमाडौं । १०३ वर्षीय वाङ्मय शताब्दी पुरुष सत्यमोहन जोशीको स्वास्थ्य अवस्था चिन्ताजनक भएको किष्ट अस्पतालले जनाएको छ । उनी उक्त अस्पतालमा १८ दिनदेखि उपचाररत छन् । उनलाई असोज ७ गते किष्ट अस्पतालमा भर्ना गरिएको थियो ।
‘जोशीज्यूको समग्र स्वास्थ्यमा उल्लेखनीय सुधार नभएको र अवस्था चिन्ताजनक नै रहेको छ,’ सोमबार अस्पतालले जारी गरेको विज्ञप्तिमा उल्लेख गरिएको छ ।
जोशीको छातीमा निमोनियाँ संक्रमण र युरिन इन्फेक्सन देखिएपछि एन्टिबायोटिक सुरु गरिएको थियो । आइतबारदेखि मुटुको चालसम्बन्धी समस्या देखापरेकाले उनलाई आईसीयूमा राखेर उपचार सुरु गरेको अस्पातलले जनाएको छ ।
किष्ट मेडिकल कलेजका निर्देशक एवं प्रा.डा. सुरज वज्राचार्यका अनुसार जोशीलाई डेंगु संक्रमणले निकै गलाएको छ ।
