काठमाडौं । नेपाली कांग्रेसले गठबन्धनविरुद्ध 'बागी' उमेदवारी दिएका पार्टीका नेता कार्यकर्ताहरूलाई कारबाही गरेको छ ।
कांग्रेसको विधानअनुसार बागी उम्मेदवार दिएका र उनको प्रस्तावक तथा समर्थक बसेकालाई समेत आगामी पाँच वर्षका लागि साधारण सदस्यसमेत नरहने गरी कारबाही हुने व्यवस्था उल्लेख छ । यसअघि कांग्रेसले असोज–२५ गते नै एक विज्ञप्ति जारी गर्दै बागी उमेदवारले आफ्नो उम्मेदवारी फिर्ता नगरे स्वतः कारबाही हुने जनाएको थियो ।
