- तेस्रो आाखा डेस्क
काठमाडौं, ६ पुस । नेपाली कांग्रेसको १४औं महाधिवेशन अन्तर्गत महिला खुला केन्द्रीय सदस्यको निर्वाचन परिणाम सार्वजनिक भएको छ ।
सार्वजनिक मतपरिणामअनुसार डा. डिला संग्रौलाले २८ सय ८५ मत ल्याएर पहिलो नम्बरमा केन्द्रीय सदस्य पदमा निर्वाचित भएकी छन् ।
दोस्रोमा पुष्पा भुसाल २७ सय १८ मत तथा आरजु राणा देउवा २५ सय ३६ मत ल्याएर तेस्रो भएकी छन् । त्यस्तै, चौथोमा अम्बिका बस्नेत २३ सय ३९ मत र पाँचौंमा ईश्वरी न्यौपाने २२ सय ५९ मत ल्याएका छन् ।
त्यस्तै छैटौंमा सरिता प्रसाईँ २ हजार ९६ मत, सातौंमा रमा कोइराला १८ सय ५८ मत, आठौंमा सुशीला ढकाल १८ सय ४ मत र नवौंमा रङ्गमति शाही १७ सय ८९ मत ल्याएर विजयी भएका हुन् ।
९ जना खुला महिला केन्द्रीय सदस्य पदका लागि भएको निर्वाचनका लागि ३० जनाबीच प्रतिपर्धा भएको थियो । मतदानमा ४६७९ मत खसेको थियो भने ६७ मत बदर भएको थियो ।
